குறும்பர் ராஜாக்கள் – ஒருங்கிணைந்த வீரப் பாடல் தொகுப்பு (கொங்கு மண்டலம்)

குறும்பர் ராஜாக்கள் – ஒருங்கிணைந்த வீரப் பாடல் தொகுப்பு (கொங்கு மண்டலம்)

மண்கோட்டை கட்டி

மதிற்கரை யெல்லை

மதிக்கரிய திண்கோட்டை

கொண்ட குறும்பர் தமைவென்று

தென்கொங்கு எலாம்

தண்கோட்டு வேழக்

கரிகால சோழன்

தனிஅரசு

விண்கோட்டு உயர்த்த

புகழுடைத் தாகும்

இவ்வான்மண்டலமே.

முப்பத்து இரண்டு தருமமும் செய்தே

இருபத்து நாலு நாடும் – எழில்

குறும்பர் வசமே இருந்தது;

ஊர்தோறும் மண்கோட்டை கட்டி

மகிழ்ந்து ஆண்டார் – அங்கு

கொற்றக்குடை நிழலில்

வாழ்ந்திருந்தார்.

பந்தீசர் கோயிலைப்

பழுதறப் புதுக்கியே

நலம்பொங்கக் காணியுடைய

நற்குறும்பர் –

அன்புடனே செம்பொன்

சிலம்பூர்ச் சிவனடியார்

போற்றிட தருமம்

தழைக்கச் செய்தார்

மகிழ்ந்து.

வெள்ளி மலைச் சாரலிலே –

எங்க வில்லெடுத்தக் குறும்பரெல்லாம்

மண்கோட்டை கட்டி ஆண்டார் –

அந்த மண்ணுக்கே மகுடம் வைத்தார்!

இருபத்து நாலு நாடும் –

அந்த இருப்புக்கோட்டை குறும்பர் வசம்!

யானைப் படை வந்து முட்ட –

அந்த மண் சுவரு உடையவில்லை!

மதயானை கொம்பு ஒடிய –

எங்கள் மண்கோட்டை மதில் நின்றது!

வில்லெடுத்து குறி வைத்தால் –

எதிரி உயிர் தப்பிப் போவதில்லை!

ஆடு மேய்க்கும் கோலெடுத்து –

அவர்கள் அரசாண்ட பரம்பரையடா!

தர்மம் தழைக்கவே –

ஊர்தோறும் தனி அரசாட்சி செய்தாரடா!

கம்பளிப் போர்வை மேலிருக்க –

கையில் கூர்வாளும் மின்னியதே!

குறும்பர் ராஜாக்கள் ஆண்ட நிலம் –

இன்றும் வரலாறு சொல்லுதடா!

கோட்டை இடிந்தாலும் –

எங்கள் கொள்கை இடியவில்லை!

வாள்கள் உடைந்தாலும் –

வீர மானம் குலையவில்லை!

மண்கோட்டை வாசலிலே –

மடிந்த மாவீரர் ரத்தமடா!

செந்நிறப் பூமி இது –

எங்கள் பாட்டன் ஆண்ட பூமியடா!

எல்லைக் கருப்பசாமி –

முன்னே எடுத்தோம் குறுவாளை!

மண்ணைக் காக்கவே –

கொடுத்தோம் எங்கள் உயிரையே!

தாராபுரக் கோட்டையிலே –

தர்மம் நிலைநாட்டி நின்றோமே!

காங்கேய நாட்டுக்கு –

கவசமாய் நாங்கள் இருந்தோமே!

வடக்குத் தலைமலை வைகாவூர்

தெற்கு குடக்குப் பொருப்புவெள்ளி குன்று –

கிழக்குக் குறும்பர் மதில் மதிற்கரை

என்பர் கொங்கு விரும்பு

மண்டலத்தின் விரிவு.

மண்கோட்டை கட்டி

மதிற்கரை காத்துநின்ற

திண்கோட்டைக் குறும்பர் திறலென்ன? –

வெண்கோட்டு யானை தளர்ந்திடவே

அஞ்சாது போர் புரிந்த

மானக் குலத்தவர் வாழ்வு.