சன்னியாசி குறும்பர் சரித்திரம் ( டி . 2862 )

 சன்னியாசி குறும்பர் சரித்திரம் ( டி . 2862 ) 

குறும்பர் சரித்திரம் எனும் நூலைப் படித்த ஒரு துறவி கூறிய விவரங்கள் பின்வருமாறு : 

1 . ஆதொண்டை மன்னன் காலத்தில் குறும்பர்கள் சமண மதத்திற் குட்பட்டிருந்தார்கள் . அவர்கள் சமண மதமும் ஆட்சியுரிமையும் பழங்காலத் தொட்டுத் தங்களுக்கு உரிமையுடையது என்று எண்ணி மற்றவர்களுடன் பகைமையை வளர்த்துக்கொண்டு வந்தார்கள்  

2அவர்கள் மிகப் பலம் வாய்ந்த கோட்டையைப் புழலிலே கட்டிக் கொண்டு ஆண்டு வந்தார்கள் .

3 அவர்களின் ஆளுகைக்குள் , சென்னைப் பட்டணம் , மாவலிப் புரம் , வடப்பட்டணம் கோட்டை வரை சற்றேறக்குறைய ஆற்காட்டுப் பகுதி முழுவதும் அடங்கியிருந்தது . ஆனால் அவர்களுடைய ஆட்சிக்கு ஆதரவு இல்லாமலிருந்தது .

 4 . அவர்கள் தங்கள் மதத்திலிருந்து சூத்திரர்களையும் புறக்கணித்துக் கொடுமை செய்தனர் . இதை அறிந்து பல அரசர்கள் அவர்கள் மீது படையெடுத்து வந்தனர் . ஆனால் குறும்பர்கள் தங்கள் வலிமையினால் படையெடுத்து வந்தவர்களை முறியடித்து , வெற்றி பெற்று மிகவும் புகழுடன் வாழ்ந்து வந்தார்கள் : 

5 . குறும்பர்களிடம் அனைவரும் அச்சத்துடன் அடங்கி வாழ்ந்து வந்தபோது பார்ப்பனர்கள் குறும்பர்களை எவ்வழியில் முறியடிப்ப தென்று ஆராய்ந்து அப்போதிருந்த சோழ அரசனிடம் சென்று முறை யிட்டனர் . சோழன் படை எடுத்து வந்து போரிட்டுக் குறும்பர்களிடம் தொடக்கத்தில் தோல்வியுற்றுப் பின்னர் சைவப் பார்ப்பனர்களுடைய மந்திர வலிமையினால் கடவுள் தோன்றி ஆறுதல் கூற அதன் வழி சோழன் மீண்டு வலிமையுடன் குறும்பர்கள் மீது படையெடுத்து , - போரிட்டு , இறுதியில் குறும்பர்களின் கோட்டையை . முற்றுகையிட்டு இடித்துப்போட்டான் .

 6 அப்போது ஆட்சிபுரிந்து கொண்டிருந்த குறும்பர்கள் அனைவரும திராவிட தேசம் முழுவதும் சிதறுண்டு ஓடினர் . 

7.மாவலிபுரத்திற்கு அருகில் கட்டப்பட்டிருந்த கோட்டையிலிருந்தும் வெளியற்றப்பட்டார்கள்

8.அப்போது மயிலாப்பூரில் ஆட்சி செய்துகொண்டிருந்த கந்தப்ப ராசா குறும்பர்களுடன் போரிட்டாராம் . கந்தப்ப ராசாவினுடைய வரலாறு , தோமையரால் கிறித்தவர்களாக்கப்பட்ட மயிலாப்பூர் ரோமன் கத்தோலிக்கர்களிடம் இருக்கிறது . 

9.குறும்பர்கள் மாவலிபுரத்திலும் அதற்கு அருகிலும் உள்ள இடங்களிலும் சமணர்களாக வாழ்ந்தார்கள் . அவர்கள் வழிபட்ட சமண விக்கிரகம் இப்போது பார்ப்பனார்களால் எரியூட்டப்பட்டு நொண்டியாக்கப்பட்டிருக்கிறது . சோழியப் பொய்கையிலே ஒரு சமணக்கோயில் இருக்கிறது . இன்னும் இரு பக்கங்களிலும் தகர்த்துப் போட்டவை தவிர மற்றவை உள்ளன . 

10 . இவ்வாறு குறும்பர்கள் பலகாலம் ஆட்சி புரிந்திருந்தாலும் , சிலருடைய தூண்டுதலாலும் பல அரசர்களுடன் பகை கொண்ட தாலும் சமண மதத்திலிருந்து வைணவ மதத்திற்கு மாற்றப்பட்டார் களாம் . 

11 . அதன் பின்னர் கிருட்டிணசாமியின் அருளால் குறும்பிடையர் என்ற பெயர் உண்டாயிற்று . 

12 . அக்குறும்பர்கள் தங்கள் வாரிசுகளைப் போர் வீரர்களாக்கித் தங்கள் ஆட்சியை விரிவாக்கி ஏறக்குறைய 25 கோட்டைகளை மண்ணினால் கட்டி , தங்களுக்குரிய படைகளுடன் பரம்பரைப் பரம்பரையாய்த் தொடர்ந்து ஆட்சி புரிந்து வந்தார்கள் . 

13 . அவர்களுடைய ஆட்சி கிருட்டிணதேவராயர் ஆட்சிக்காலம் வரையிலும் இருந்தது என்பதில் எந்தவிதமான ஐயத்திற்கும் இடமில்லை .

 14 . அதன் பின்னர் வேளாளரையும் முதலியாரையும் தங்கள் பெருமை யால் வணங்கச்சொல்லி , வற்புறுத்தி கொடுமை செய்ததால் குறும்பர்கள் பலர் இறந்து போனார்கள் . அம்பட்டரால் சிலர் கொல்லப்பட்டார்கள் . எஞ்சியவர்கள் கிருட்டிண தேவராயரின் படையெடுப்பில் சிதறுண்டு போனார்கள் . 

15.அவர்களுடைய போர்க்கருவிகளும் கோட்டைப் பொருள்களும் மற்றவையும் உயி..பாளையத்தில் இருக்கின்றது என்று சொல்லப் படுகின்றன..