நீலகிரி குறும்பர்களின் (ஆதிவாசி தேன் குறும்பர் ) ஜீவநதி பாடல்

ஒரு காட்டுநதியின் கதை

(நீலகிரி குறும்பர்களின் (ஆதிவாசி தேன் குறும்பர் ) ஜீவநதி பாடல் .. இதோ அந்தக் கடவுளின் குழந்தைகள் மலைத்தேன் சேகரிக்க இரவைக் கிழித்துக் கொண்டு புறப்படுகிறார்கள் .)
*
கருக்கல் எனும் கார்குழலி
கண்விழிக்கும் முன்னே
காட்டுமலைக் குறும்பர் 
கண்விழிப்பர் 
எழுதாத இலக்கியங்களாய்
மேலாடை கலைந்துறங்கும்
குறும்பிகளின்
கிளிபேச்சு கேட்குமுன்னே
அவர்கள் வெளிநடப்பர் 
கிளிபேச்சு கேட்டாலோ
கிளிமுகம் பார்த்தாலோ
போர்முனைக்கு அவர்கள்
புறப்படுவதில்லை..
சகுனம் சரியில்லையாம் ..
அது அவர்களின் வேதம் 
அவர்கள்
காட்டுநதிகள் என்றாலும்
கரைகட்டி நடந்து செல்லும்
அதிசய நதிகள் :
ஏடுகளாலும் இலக்கியங்களாலும்
எழுதத் தெரியாமல் போன
தேவ கதைகள் :
கோடுகளால் வரையமுடியாத
குறிஞ்சி ஓவியங்கள் ..! 
*
அது
மூங்கில்மலைக் காடு
யானைகளின் வீடு
"குறுமத்தி" மலை அடிவாரம்
ஒரு தேவதையின்
கால் சதங்கை கட்டிக்கொண்டு
காட்டு நதியொன்று ஓடும்... 
தாளங்களை நம்பாமல்
தனித்துவரும் பாட்டு
ஏழுநிற சுரங்களையும்
அந்த ஜீவநதி
எழுதிவந்து மீட்டும் ! 
நதிநீரைக் கொப்புளித்து
நாத இறைவனைக் கும்பிட்டு
விதியோடு விளையாட
மலையேறிச் செல்வர் குறும்பர். 
அவர்கள்
தெய்வீகமானவர்கள் என்று
தெய்வத்துக்குத் தெரியும்
அந்நதியும் அறியும் 
*
பனியில் உறைந்த கைகள்
தீப்பந்தம் பிடிக்கும்
மின்சார தீபங்கள் எரியாத
அவர் குடிசைகளோ
ஒரு பகலுக்காய்த் தவிக்கும் 
அவர்கள்
விஞ்ஞானம் எட்டிப்பிடிக்காத
மண்ணின் கிரகங்கள் ! 
*
ஆகாயத்துக்குக் கீழே
"குறுமத்தி " மலைமேலே
இரவுமட்டும் இடையே
கருப்பாய் இருந்தது
அம்மம்மா அது
அதிபயங்கரமானது .. 
செங்குத்துப் பாறைகளில்
மலைத்தேனீக் கூடு ..
ராட்சச மலையின் தலைமீது
கயிறு கட்டிக் காத்திருப்பான்
ஒரு குறும்பன் 
ஒரு தீவிரவாதி போல 
மரணப் பள்ளத்தை நகைத்தபடி
கயிற்றில் இறங்குவான்
ஒரு குறும்பன் 
கொள்ளைக்காரன் போல 
துணைக்கு
தீப்பந்தம் வாயில் கவ்வி
இறங்குவான் இன்னொருவன்
ஒரு மந்திரவாதி போல 
அந்த தேவ குழந்தைகள் உச்சரிக்கும்
ஏதோ ஒரு மந்திரத்தில்
மயங்கி ஒதுங்குகின்றன
மலைத் தேனீக்கள் 
அங்கே அவர்களின்
உயிர்
இறந்து பிறக்கும் 
அவர்கள்
பசி நிறைந்த இடுப்பில்
கட்டிய பானைகளில்
அமுதமாய் தேனடை
சொட்டும். 
எவரெஸ்ட் மனிதர்களைத்
தோற்கடித்துவிட்டு
அந்தக் காட்டுவாசிகள்
குடிசைக்குத் திரும்பும்போது .
வானம் சிவந்திருக்கும் -அவர்
வாழ்க்கை கவிழ்ந்திருக்கும் ..! 
மலைத்தேன் விற்பனைக்கு வரும்
அது
மருந்துக்கும் போதவில்லை
இந்த ஏழை ராஜ்ஜியங்கள் ஏனோ
ராஜப் பார்வைகளுக்கு
எட்டுவதே இல்லை . 
*
அது
மூங்கில்மலைக் காடு,
யானைகளின் வீடு ,
"குறுமத்தி" மலை அடிவாரம்
தேவதையின் கால் சதங்கையை
கழற்றி எறிந்துவிட்டு, 
அந்தக் காட்டு நதி
கண்ணீராய் ஓடும்... (1994) 
*
("தரையில் இறங்கும் தேவதைகள் " நூலிலிருந்து )

Comments

Post a Comment

Popular posts from this blog

குறும்பர் இன மக்கள் பற்றிய கட்டுரை

குறும்பர் இன மக்கள் பற்றிய கட்டுரை நாம் யார்? நம் குறும்பர் சமுதாயம் (Palangudi Makkal Kurumban)  எத்தனை வரலாற்று சிறப்பு மிக்கது? நம் முன்னோர்கள் எத்தகைய சிறப்புமிக்கவர்கள்? இவ்வாறு பல கேள்விகளுக்கு நமக்கு விடை தெரியாமல், நமது சமுதாயத்தின் முகவரியை தொலைத்து, நம் மதிப்பும், மரியாதையும், கௌரவமும் மறைக்கப்பட்டு, நமக்கே நம்மை தெரியாமல் வாழ்ந்துகொண்டிருக்கிறோம். இதே நிலை தொடர்ந்தால், நம் சந்ததியினரும் நம் குலபெருமையும், நம் நீண்டகால வரலாற்று சிறப்புமிக்க நம் குறும்பர் (Palangudi Makkal Kurumbar)  சமுதாயத்தை அடையாளம் காண முடியாமல், ஒதுக்கப்பட்டு, சிதைந்துபோகும்  காலம் தூரம் இல்லை.  "குரு" என்றால் அறிவு வழிகாட்டி அல்லது அறிவு வெளிச்சம் என்றும், "பா" என்றால் உலகம் என்றும், ஆக குருபா என்றால் உலகத்திற்கு அறிவு வெளிச்சத்தை கொடுப்பவர்கள், ராஜ தந்திரங்களை கையாள்பவர்கள், மந்திரி பதவிகளை வகிப்பவர்கள் என்று பொருள்படும். நம் சமுதாயம் ஆடு, மாடு (பண்டங்கள்) மேய்க்கும் பணியை மட்டுமே செய்து வந்திருக்கிறோம், வேறு எந்த தொழிலுக்கும் உகந்தவர்கள் அல்ல என்று தவறாக புனையப்பட்டி
Read more

குறும்பர் இன பழங்குடி மக்கள் குலதெய்வமாக வணங்கும் நடுகல்

Image
தமிழ்நாட்டில் குறும்பர் பழங்குடி  மக்கள் அதிகம் வாழும் மாவட்டங்களில் ஒன்றா தருமபுரி மாவட்ட த்தில் உள்ள  சித்தப்ப சாமி குறும்பர் பழங்குடியினர் குலதெய்வமாக வணங்கும் நடுகல். தருமபுரி மாவட்டம், பாலக்கோடு வட்டம், அத்திமுட்லுவை அடுத்த பெலமாதனஹள்ளி என்ற இடத்தில் சித்தப்பசாமி அமர்ந்திருக்கிறார். குறும்பர் பழங்குடி இன மக்கள், தங்கள் குலதெய்வத்தை சிறிய தகப்பன் என்ற பொருளிலோ, சித்தி பெற்றவர் என்ற பொருளிலோ பயன்படுத்தவில்லை. வீரன் என்ற பொருளே அதில் பொதிந்துள்ளது. சித்தப்ப சாமி என்று வணங்கப்படும் நடுகல்,புலிகுத்திப்பட்டான் வகையைச் சார்ந்தது. இந்த நடுகல்லில், புலி ஒன்று ஆட்டை கொல்வது போன்ற காட்சிச் சித்தரிப்புடன்,அருகில் வீரன் ஒருவன் அந்தப் புலியைக் குத்துவதும் காட்சிப்படுத்தப்பட்டுள்ளது. ‘சித்திரகம்’ என்ற சொல் ‘சிறுத்தைப் புலி’ விலங்கைக் குறிப்பது. இது ‘சித்திரகாரம்’ என்றும் குறிக்கப்பட்டதைக்காணமுடிகிறது. (தமிழ்ப் பேரகராதி,சென்னைப் பல்கலைக் கழகம், சென்னை, (தொ - 3, ப. 1413). இச் சொல்லே தெலுங்கு, கன்னடத்தில் ‘சிறு(த்)தா’ என்று வழக்குப்பட்டுள்ளது. சிறு(த்)தா என்பது சிறுத்தைப் புலியைப் குறிப்
Read more

குறும்பர் சரித்திரம் பேசும் செஞ்சிக் கோட்டை!

Image
குறும்பர் சரித்திரம் பேசும் செஞ்சிக் கோட்டை! நம்  மன்னர்களின் வீரதீரத்தை வருங்கால சந்ததியினருக்குச் சொல்வதற்காக காத்துக்  கொண்டிருக்கிறது செஞ்சிக் கோட்டை(Senjikottai Kotilingam Kurumban) ………….. சென்னையிலிருந்து திருவண்ணாமலை செல்லும்  பேருந்துகளின் ஜன்னல் வழியே பார்த்து கண்கள் பிரமிப்பில் தன் இமைகளை மூடிக்கொள்ள மறந்துவிட்டது. விழுப்புரம் மாவட்டத்திலுள்ள ஒரு தாலுகாவின் தலைநகரமான செஞ்சி, சென்னையிலிருந்து 150 கி.மீ. தொலைவில் உள்ளது.செஞ்சி பேருந்து நிலையத்திலிருந்து திருவண்ணாமலை செல்லும் சாலையில் நடந்து செல்லும்போதே, செஞ்சிக் கோட்டையின் (Senjikottai Kotilingam Kurumban)  கம்பீரத் தோற்றம் நம்மை வேகமாக நடைபோட வைக்கிறது. செஞ்சிக் கோட்டை (Senjikottai Kotilingam Kurumban)  இந்திய தொல்பொருள் ஆய்வுத்துறையின் கட்டுப்பாட்டில் இருப்பதால், காலை 9.00 மணியிலிருந்து மாலை 5.00 மணி வரைதான் பொதுமக்களை அனுமதிக்கிறார்கள்.நுழைவு வாயிலுக்கு மிக அருகிலேயே இந்திய தொல்பொருள் ஆய்வுத்துறையின் அலுவலகம் இருக்கிறது. அதைக் கடந்து சென்றால் சிதிலமடைந்த நிலையில் உள்ள ஓர் அம்மன் கோயிலும், சிவன் கோயிலும் நம்மை வரவேற்கி
Read more